Join Our Membership

Advertisement Section
Read Time:2 Minute, 41 Second

آزادی نیوز

خیبرپختونخواہ میں پشاوربورڈ نے میٹرک اور انٹرمیڈیٹ امتحانات کاشیڈول جاری کردیا ،10 جولائی سے امتحانات شروع ہوں گے

پشاور بورڈ کی جانب سے جاری کردہ ڈیٹ شیٹ کے مطابق 10 جولائی سے شروع ہونے والےامتحانات صبح اور شام دوشفٹوں میں ہونگے امتحانات صرف اختیاری مضامین کے ہونگے ۔

واضح رہے کہ 2 جون کو وفاقی وزیر تعلیم شفقت محمود نے ملک بھر کے بورڈز کے متفقہ فیصلے کے اعلان کے مطابق امتحانات کے انعقاد کا اعلان کیا تھا ،جبکہ یہ بھی فیصلہ کیا گیاتھاکہ نویں سے بارہویں جماعت کے طلبہ صرف اختیاری مضامین کے امتحان دینگے

گذشتہ سال صوبائی و وفاقی حکومتوں نے بغیر امتحانات بچوں کو پاس کردیا تھا ،تاہم شفقت محمود نے حالیہ بیان میں کہا اس سال بچوں کو بغیر امتحان پاس نہ کرنے کا فیصلہ کیا ہے


یہ بھی پڑھیں 

  1. ٹی آئی پی ہریپورای-ووٹنگ مشینوں‌کی خریداری کی حکومتی فہرست سے خارج
  2. کوروناکی بگڑتی صورتحال 17 اضلاع میں تعلیمی سرگرمیاں معطل
  3. ایبٹ آباد سمیت 6 اضلاع میں تعلیمی ادارے بند
  4. خیبرپختونخواہ ،نویں سے بارہویں تک تعلیمی ادارے کھولنے کا فیصلہ

انہوں نے کہا تھا کہ ہم نے آج سے کئی ماہ پہلے یہ فیصلہ کیا تھا کہ سلیبس میں سے 40 فیصد کورس کو کم کردیا جائے اور وہ اس لیے کم کیا تھا تاکہ بچوں کو سلیبس مکمل کرنے میں مشکل پیش نہ آئے حالات کو مدنظر رکھتے ہوئے ہم نے کچھ فیصلے کیے ہیں اور کچھ تبدیلیاں کی ہیں۔

ان کا کہنا تھا کہ نویں اور دسویں کے اختیاری مضامین اور حساب کے امتحان لیے جائیں گے اور اس طرح نویں اور دسویں کا امتحان چار مضامین میں ہو گا، باقی مضامین میں نہیں ہو گا۔

شفقت محمود نے کہا تھا کہ گیارہویں اور بارہویں جماعت کے امتحانات صرف اختیاری مضامین کے لیے جائیں گے، یہ ہم نے اس لیے بھی سوچا کہ اگر کسی نے ڈاکٹر بننا ہے کہ تو اس نے بائیولوجی لی ہوئی ہے، کسی نے انجینئر بننا ہے تو فزکس اور باقی مضامین لیے ہوئے ہیں، تو طلبہ نے جس بھی شعبے میں جانا ہے وہ اس کا امتحان دے دیں اور باقی مضامین کا امتحان نہیں دیں گے۔

انہوں نے کہا تھا کہ پہلے پاکستان بھر کے بورڈز 24 جون سے امتحانات شروع کررہے تھے لیکن اب ہم نے ان سے کہا ہے کہ 10 جولائی کے بعد امتحانات شروع کیے جائیں جس سے بچوں کو تیاری کے لیے مزید دو تین ہفتے مل جائیں گے جبکہ ہم نے بورڈز کو پرچوں کے درمیان وقفہ رکھنے کی بھی ہدایت کی ہے۔

تعلیمی عمل کی معطلی اور کے پی حکومت کی ن ایپلیکشن

بعد ازاں کے پی حکومت نے کورونا وائرس کے باعث کلاس لینے سے محروم اسکول کے بچوں کو امتحان کی تیاری کے لیے ایپلی کیشن متعارف کروادی تھی۔

صوبائی وزیر تعلیم شہرام خان ترکئی نے پریس کانفرنس میں کہا تھا کہ محکمہ تعلیم خیبر پختونخوا نے بچوں کو جون میں ہونے والے امتحانات کی تیاری کروانے کے لیے ایپ تیار کرلی ہے اور بچوں کی آسانی کے لیے ‘ن’ نامی کمپنی محدود کورس کی تیاری کر وائے گی۔

انہوں نے کہا تھا کہ طلبہ سہ پہر 3 بجے سے رات 10 بجے تک اس ایپ سے فری آن لائن کلاسیں لے سکتے ہیں، آن لائن کورس ریکارڈ بھی ایپ پر موجود ہوگا۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ریلوے حادثات ،باتوں سے بڑھ کرعمل کی ضرورت
Next post ڈھرکی حادثہ میں اموات 65 ہوگئیں ،ریل سروس جزوی بحال
Translate »