0 0
Read Time:2 Minute, 54 Second

مسرت اللہ جان


پشاور میں کرونا کے طویل وقفہ کے بعد ایک بار پھر کھیلوں کی سرگرمیوں کا آغاز ،قیوم سپورٹس کمپلیکس میں کھیلوں کی سرگرمیاں طویل عرصہ سے تعطل کا شکار تھیں ،خیبر بینک کے زیراہتمام شروع کئے جانے والے تین سالہ پروگرام کی اختتامی تقریب قیوم سپورٹس کمپلیکس میں منعقد ہوئی

اختتامی تقریب کے مہمان خصوصی چیف سیکرٹری ڈاکٹر کاظم نیاز تھے ۔،جنہوں نے کرونا کی دوسری لہر سے قبل بھی کھیلوں کی سرگرمیوں کی تقریب کا افتتاح کیا تھا ،لیکن ایک بار پھر لاک ڈائون کے باعث یہ سرگرمیاں معطل ہوگئی تھیں


یہ بھی پڑھیں 

  1. پشاورمیں ایڈہاک ڈاکٹر ز کا مستقل ملازمتوں کیلئے احتجاج
  2. اداس چہروں پر مسکراہٹ بکھیرنے والا پشاور کا چارلی چپلن
  3. خیبر پختونخواہ کے "ڈمان” اور ہندوستانی فنکاروں کے گھر
  4. ہزارہ گیمز کا آغاز،علاقائی کھیل توجہ کا مرکز

اگرچہ اس تقریب کو منظور نظر افرادکے ذریعے مشتہر کرنے کے باعث بڑے پیمانے پر اس کی تشہیر نہیں ہوسکی تھی ،اور آج کی اختتامی تقریب بھی انہی لوگوں کی وجہ سے بدنظمی اور ناقص انتظامات کا شکار ہوئی ،مہمان خصوصی خود بھی تقریب میں ایک گھنٹے تاخیر سے پہنچے اور مہمانوںاور کھلاڑیوں کو گرمی اور حبس میں کوفت کا سامنا کرنا پڑا

تقریب کے مہمان خصوصی چیف سیکرٹری ڈاکٹر کاظم نے سب سے پہلے بیڈمنٹن ہال کا افتتاح کیا جس کے بعد انہوں نے سکواش کورٹ کا دورہ کیا ،تاہم یہاں بھی انتہائی افراتفری کا ماحول نظر آیا کیوں کہ تقریب کے سپانسر خیبر بینک نے عین وقت پر مرد و خواتین کھلاڑیوں کو اپنی شرٹس فراہم کیں ،لیکن خواتین کھلاڑیوں کے شرٹس تبدیل کرنے کا کوئی انتظام نہ تھا ،۔جس کی وجہ سے انہیں پریشانی کا سامنا کرنا پڑا ۔

اختتامی تقریب میں صوبہ بھر سے ڈیڑھ سو کے قریب کھلاڑی اور ان کے والدین موجود تھے ۔تقریب سے خطاب کرتے ہوئے مہمان خصوصی نے کھلاڑیوں پر زور دیا کہ وہ کووڈ کے حوالے سے مکمل احتیاطی تدابیر کے ساتھ کھیلوں کی سرگرمیوں میں بھرپور حصہ لیں ۔تاکہ مثبت سرگرمیوں کیساتھ ساتھ وبا کے خطرات سے بھی بچا جا سکے

اس موقع پر انہوں نے سپورٹس کمپلیکس کے اندر ہی کھلاڑیوں کیلئے موبائل ویکسین سنٹر کے قیام کی تجویز بھی دی تاکہ کھلاڑیوں کو ویکسین لگوانے میں کسی دشواری کا سامنا نہ کرنا پڑے

مہمان خصوصی نے کہا کھیلوں کے فروغ اور کھلاڑیوں کی حوصلہ افزائی کیلئے خیبرپختونخواہ حکومت ہر ممکن اقدامات اٹھا رہی ہے اور انہیں سہولتیں فراہم کررہی ہے تاکہ نوجوان نسل کھیلوں اور مثبت سرگرمیوں کا حصہ بنتے ہوئے ملک و معاشرے کا مفید حصہ بن سکیں اور دنیا میں اپنے ملک کا نام روشن کریں

انہوں نے اعلیٰ کارکردگی کا مظاہرہ کرنے اورانعامات جیتنے والے کھلاڑیوں پر زور دیا کہ وہ نئے کھلاڑیوں کو سکھانے اور ان کی تربیت کیلئے بھی اپنا کردار ادا کریں ۔تاکہ وہ بھی بہتر انداز میں ان سرگرمیوں کا حصہ بن سکیں اور ان کی حوصلہ افزائی ہو سکے

تقریب میں شریک ایک شہری نعمان خان کا کہنا تھا اگر حکومت اسی طرح کھلاڑیوں کی حوصلہ افزائی اور معاونت کاسلسلہ جاری رکھے تو اگلے پانچ سے دس سال کے دوران انتہائی حوصلہ افزا نتائج برآمد ہوں گے ۔کیوں کہ حالیہ کچھ عرصہ کے دوران خیبرپختونخواہ کے کھلاڑیوں نے بین الصوبائی مقابلوں کے دوران بہترین کارکردگی کا مظاہرہ کیا

البتہ ضرورت اس امر کی ہے کہ حکومتی وزاراء بیانات سے زیادہ اگر کارکردگی کا توجہ دیں تو نتائج مختلف ہوسکتے ہیں

تقریب کے اختتام پر مہمان خصوصی چیف سیکرٹری محمد کاظم نے مقابلوں میں نمایاں کارکردگی کا مظاہرہ کرنے والے کھلاڑیوں میں نقد انعامات کے چیک تقسیم کئے

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Translate »