آزادی ڈیسک


ملائیشیا کی کارساز کمپنی پروٹون نے نئی سیڈان گاڑی جلد پاکستان مین متعارف کروانے کا اعلان کردیا ہے

قبل ازیں پروٹون اس سے پہلے 2020 کے آخر میں ایک ایس یو وی ایکس 70 پاکستان میں فروخت کے لیے پیش کرچکی ہے۔

پاک وہیلز کی رپورٹ کے مطابق پروٹون کی جانب سے ساگا نامی سیڈان  متعارف کرائی جارہی ہے جو ٹویوٹا یاریز، ہونڈا سٹی اور چین گن السوین کو ٹکر دے گی۔


سوزوکی گاڑیوں کی قیمتوں میں 35ہزار سے 11لاکھ روپے تک اضافہ

پاکستان کی 87 فیصد آبادی تک انٹرنیٹ کی رسائی


رپورٹ میں بتایا گیا کہ یہ نئی گاڑی کے کم از کم 4 ورژن متعارف کرائے جائیں گے جن میں سے 3 میں 1299 سی سی جبکہ ایک میں 1332 سی سی انجن موجود ہوگا۔

اس گاڑی میں 15 انچ ایلوئے رمز، سگنل کے ساتھ سائیڈ مررز ، رئیر اسپائلرز، فوگ لیمپس ، ایڈجسٹ ایبل اسٹیئرنگ اور ریموٹ کنٹرول ٹرنک جیسے فیچرز موجود ہوں گے۔

گاڑی کی دیگر خصوصیات میں 7 انچ کی ٹچ اسکرین، اینٹی لاک بریکنگ سسٹم اور ڈوئل فرنٹ ایئربیگز قابل ذکر ہیں۔

اسی طرح مخصوص ورژن میں ڈی آر ایل ایس، اسٹیبلیٹی کنٹرول، ٹریکشن کنٹرول، فرنٹ پارکنگ سنسرز اور ریورس کیمرا جیسے فیچرز بھی موجود ہوں گے۔

پاکستان میں اس گاڑی کے مختلف ورژنز کی قیمت 20 سے 25 لاکھ روپے کے درمیان ہونے کا امکان ہے اور اس طرح دیگر سیڈان گاڑیوں کو زبردست ٹکر دے گی۔

درحقیقت 20 لاکھ روپے قیمت کے لحاظ سے یہ پاکستان میں دستیاب سستی ترین سیڈان ہوگی کیونکہ اس قیمت میں سوزوکی کلٹس کا مہنگا ترین ورژن دستیاب ہے جو سیڈان نہیں بلکہ ہیچ بیک گاڑی ہے۔

خیال رہے کہ پروٹون نے پاکستان میں گاڑیوں کو متعارف کرانے کے لیے الحاج گروپ کے ساتھ اشتراک کیا ہے۔

ابھی یہ واضح نہیں کہ اس گاڑی کو پاکستان میں اسمبل کیا جائے گا یا درآمد کی جائے گی، تاہم ایکس 70 کو پاکستان میں درآمد کیا جارہا ہے اور 2021 کی پہلی ششماہی کے دوران مقامی طور پر اسمبل ماڈلز دستیاب ہوں گے۔

 

Translate »