Join Our Membership

Advertisement Section
Read Time:2 Minute, 59 Second

مسرت اللہ جان

پشاور


ٹیبل ٹینس کے مرد و خواتین کھلاڑیوں کیلئے الگ تربیتی سیشنز کرنے کی ہدایات
پشاور قیوم سپورٹس کمپلیکس میں ٹیبل ٹینس کے مرد و خواتین کھلاڑیوں کیلئے الگ الگ تربیتی سیشن کرنے کی ہدایت جاری کردی گئی ہیں.

اس وقت پشاور قیوم سپورٹس کمپلیکس میں ٹیبل ٹینس کی 14 خواتین کھلاڑی جبکہ 35 کے قریب مرد کھلاڑی سپورٹس ایرینا میں زیر تربیت ہیں

سپورٹس ڈائریکٹریٹ کے زیر انتظام سپورٹس ایرینا میں مردوں کیلئے الگ جبکہ خواتین کیلئے الگ ٹیبل ٹینس کوچ ہیں تاہم وہ ایک ہی وقت میں تربیتی سیشن کیلئے آتے تھے

خواتین کھلاڑیوں کی شکایت پر فیصلہ ہوا

جس کے باعث بعض اوقات ٹیبل بھی تربیت کیلئے دستیاب نہیں ہوتی تھی جبکہ متعدد خواتین کھلاڑیوں نے ا س حوالے سے انتظامیہ سے شکایات بھی کی تھی جس کے بعد قیوم سپورٹس ڈائریکٹریٹ کی انتظامیہ نے مرد و خواتین کھلاڑیوں کیلئے الگ تربیتی سیشنز کیلئے وقت مقرر کرنیکی ہدایت کی


یہ بھی پڑھیں

  1. 21جون تک کووڈ ویکسین نہ لگوانے والےملازمین دفاترنہیں جا سکیں گے ،اعلامیہ
  2. بجٹ میں تعلیم کیلئے جی ڈی پی کا 4 فیصد حصہ مقرر کرنیکا مطالبہ
  3. 10 جولائی سے میٹرک،انٹرمیڈیٹ امتحانات کا شیڈول جاری
  4. پشاورمیں طویل تعطل کے بعد کھیل کی سرگرمیوں کا خوشگوارآغاز

ذرائع کے مطابق بعض ڈیپارٹمنٹ کے کھلاڑیوں نے اس فیصلے پر اعتراض بھی کیا تاہم انتظامیہ نے الگ الگ سیشن کرنے کے اقدام پر عملدرآمد کو یقینی بنانے کیلئے کوچز کو ہدایات جاری کردی ہیں

سوئمنگ پول ایک سال کے وقفے کے بعد کھل گیا،کھلاڑیوں کیلئے مشروط اجازت

قیوم سپورٹس کمپلیکس میں واقع عادل خان سکواش کمپلیکس ایک سال کے وقفے کے بعد کھل گیا ہے جس کے بعد یہاں پر سوئمنگ کیلئے ممبرشپ جلد شروع کردی جائیگی عادل خان سکواش کورٹ ایک سیزن مکمل طور پر بند رہا

تاہم گذشتہ روز اسے کھول دیا گیا اور صفائی کے بعد یہاں پر ممبرشپ کا عمل شروع کردیا جائیگا.عادل خان سکواش کورٹ کی بندش کے بعد گرمی کی شدت میں اضافے کے بعد سینکڑوں کی تعداد میں کھلاڑیوں نے گذشتہ روز سوئمنگ پول کا رخ کرلیا

انتظامیہ نے اس حوالے سے ہدایات جاری کی ہیں کہ جو بھی کھلاڑی سوئمنگ پول کیلئے آئیگا اسے ڈائریکٹر جنرل سپورٹس خیبر پختونخواہ کی طرف سے اجازت لینی ہوگی

کرکٹ اکیڈمی میں مفت تربیتی سیشن کا آغاز

کرکٹ اکیڈمی میں فری تربیتی سیشن کیلئے سابق کھلاڑیوں نے درخواستیں جمع کرادی
قیوم سپورٹس کمپلیکس میں واقع کرکٹ اکیڈمی کے پرانے کھلاڑیوں نے فری میں پریکٹس کیلئے درخواستیں جمع کرادی ہیں

کم و بیش 19 سابق کھلاڑیوں نے درخواستیں معاذ اللہ خان کرکٹ اکیڈمی میں مفت تربیتی سیشن کیلئے ایڈمنسٹریٹر کو جمع کرائی تھی

جن میں ان کا یہ موقف ہے کہ وہ کرکٹ کے کھلاڑی ہیں اور انہیں مفت میں تربیتی سیشن فراہم کیا جائے تاہم انتظامیہ نے صرف دو کھلاڑی جو اس وقت پاکستان کی جانب سے کھیل رہے ہیں کی فیس معاف کی ہے

جبکہ باقی کھلاڑیوں کوممبرشپ کارڈ حاصل کرنے کی ہدایت کی گئی ہے ۔مفت تربیت کے خواہاں  کھلاڑیوں کا کہنا ہے کہ وہ بین الاقوامی سطح کے مقابلوں کیلئے تیار ی کررہے ہیں تاہم

انڈر 15 کھلاڑی پہلی ترجیح

انتظامیہ کا یہ موقف ہے کہ نئے اور نوجوان کھلاڑیوں کی تربیت کیلئے معاذ اللہ خان کرکٹ اکیڈمی بنائی گئی ہیں اس لئے یہاں پر انڈر 13 انڈر 14 انڈر 15 کے کھلاڑی کو ترجیح دی جارہی ہیں

ایسے کھلاڑی جو مختلف ڈیپارٹمنٹس سے ہوں اور ان کی پرفارمنس بھی قومی سطح کی نہ ہو انہیں فری تربیتی سیشن نہیں دیا جائیگا.

قیوم سپورٹس کمپلیکس کی انتظامیہ نے سابق کھلاڑیوں اور نئے کھلاڑیوں کیلئے الگ الگ سیشن رکھنے کی بھی ہدایات جاری کی گئی ہیں-

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post بھارت نے افغان طالبان قیادت کیساتھ روابط بڑھانے کی کوششیں تیز کردیں
Next post طویل خشک سالی سے ہریپورکے آبی ذخائرکم ترین سطح پر آگئے
Translate »