آزادی ڈیسک


پنجابی کے معروف لوک گلوکار اورکئی شہرت یافتہ قومی گیت گا کر شہرت پانے والے گلوکار شوکت علی انتقال کرگئے ،

وہ جگر کے عارضے میں مبتلا ہونے کے باعث کچھ عرصہ سے زیرعلاج تھے ،تاہم دو روز قبل طبیعت زیادہ بگڑنے پر انہیں انتہائی نگہداشت کے شعبہ میں منتقل کیا گیا ،

سہہ پہر کو ان کے اہلخانہ نے تصدیق کی کہ شوکت علی اب اس دنیا میں نہیں رہے


ساگر جو آخریں‌دم اپنے گائوں‌کی ندی میں‌اترجانے کو ترستا رہا

تصویریں بنا کر مسکراہٹیں‌لوٹانے والے پاکستانی فوٹو گرافرسے ملئے …


شوکت علی طویل عرصے سے جگر کے عارضے میں مبتلا تھے اور گزشتہ برس انہیں علاج کے لیے پنجاب سے سندھ بھی منتقل کیا گیا تھا تاہم ان کی طبیعت میں کوئی خاصی بہتری نہیں آئی تھی۔

صوبے پنجاب میں پیدا ہونے والے شوکت علی کا تعلق آرٹسٹ خاندان سے تھا، ان کے آباؤ و اجداد بھی فن موسیقی سمیت دیگر فنون سے وابستہ تھے۔

شوکت علی نے انتہائی کم عمری میں 1960 میں ہی گلوکاری کا آغاز زمانہ طالب علمی میں ہی کیا تھا، انہوں نے نہ صرف اس دور کے معروف فلمی گیتوں میں آواز کا جادو جگایا بلکہ انہوں نے جذبہ حب الوطنی کے گیت گانے سمیت پنجابی زبان کے مشہور گانے بھی گائے۔

شوکت علی کو حکومت کی جانب سے 1990 میں پرائیڈ آف پرفارمنس ایوارڈ سے نوازا گیا تھا۔

گلوکار شوکت علی صوفیانہ کلام اور پنجابی گانوں میں ایک نام رکھتے ہیں، 1965 میں گایا جانے والا ان کا ملی نغمہ ’جاگ اٹھا ہے سارا وطن’ آج بھی مقبول ہے۔

انہوں نے 1982 میں نئی دہلی میں منعقد ہونے والے ایشین گیمز میں لائیو پرفارمنس دی تھی اور ان کا گانا ’کدی دے ہس بول وے’ سال 2009 میں بھارتی فلم لو آج کل میں بھی استعمال ہوا تھا۔

جاگ اٹھا ہے سارا وطن گیت نے انہیں دائمی شہرت عطا کی

 

ان کے مقبول نغموں میں ’ساتھیو، مجاہدو، جاگ اٹھا ہے سارا وطن، میں پتر پاکستان دا، لال میری پت رکھیو بھلا، تو ہی حق دا ولی اور تیری میری اے ازلاں دی یاری‘ سمیت دیگر گانے شامل ہیں۔

شوکت علی کو سب سے زیادہ مقبولیت ’سیف الملوک‘ گانے کی وجہ سے ملی جس کی شاعری پنجابی کے صوفی شاعری میاں محمد بخش نے لکھی تھی۔

’سیف الملوک‘ جیسے صوفی کلام کے علاوہ بھی شوکت علی نے متعدد صوفی کلام گائے اور انہوں نے قوالی بھی گائی، شوکت علی نے پاکستان کے علاوہ متعدد بیرون ممالک میں بھی اپنے ملک کا نام روشن کیا اور شہرت سمیٹی

ان کی وفات پر شوبز سمیت تمام طبقات کی جانب سے گہرے رنج و غم کا اظہار کیا گیا

 

Translate »