0 0
Read Time:2 Minute, 31 Second

پشاور

بیورورپورٹ


صوبہ خیبر پختونخواہ میں ضم ہونے والے سابقہ فاٹا کے اضلاع میں سپورٹس کی سرگرمیوں کیلئے منظور ہونے والی 62 ملین کی رقم تاحال جاری نہ ہوسکی

ان اضلاع کے سپورٹس ڈائریکٹر کی جانب سے ادائیگی نہیں کی گئی جس کی وجہ سے ضم اضلاع سے تعلق رکھنے والے اہلکار پریشانی سے دوچار ہیں .

ان اضلاع کی سوئمنگ ، باڈی بلڈنگ ، ہاکی اور جوڈو کی ٹیموں نے سال 2020 میں کراچی اور کوئٹہ کے دورے کئے تھے اور وہاں پر مقابلوں میں حصہ لیا تھا

جس کے اخراجات کے بل ابک سال بعد بھی کلیئر نہیں ہوسکے ،اگرچہ اس حوالے سے متعلقہ حکام کی جانب سے متعدد بار یاددہانی بھی کروائی جا چکی ہے لیکن نامعلوم وجوہات کی بناءپر یہ معاملہ ابھی تک التواءکا شکار ہے

سابق قبائلی اضلاع میں کھیلوں کی سرگرمیاں شروع نہ ہوسکیں

صوبہ خیبر پختونخواہ کے دیگر اضلاع کے برعکس قبائلی اضلاع میں کھیلوں کی سرگرمیاں شروع نہ ہوسکیں اور نہ ہی ان اضلاع کے ملازمین کا سروس سٹرکچر تیار ہوسکا ہے

کئی سال سے ملازمت کرنے والے اہلکار ابھی تک بطور ڈیلی ویجز کام کررہے ہیں اور نہ ہی  علیحدہ سپورٹس ڈائریکٹریٹ تک قائم ہو سکا ہے ان اضلاع کے سپورٹس ڈائریکٹر بھی خیبر پختونخواہ سپورٹس ڈائریکٹوریٹ میں ڈیوٹی سرانجام دے رہے ہیں


یہ بھی پڑھیں

  1. کھیلوں کے فنڈز کارکردگی سے منسلک ،غیرفعال ایسوسی ایشنز کی رقوم بند کرنیکا فیصلہ
  2. ٹورڈی خنجراب سائیکل ریس میں افغان خواتین سائیکلسٹ بھی حصہ لیں گی
  3. ٹیبل ٹینس مردوخواتین کھلاڑیوں کیلئے مخلوط تربیت پر پابندی
  4. پشاورمیں طویل تعطل کے بعد کھیل کی سرگرمیوں کا خوشگوارآغاز

جس کی وجہ سے جن اضلاع میں نئے گروائڈز تیار ہو رہے ہیں وہاں ان افسران کی غیر موجودگی کی وجہ سے موثر نگرانی بھی ممکن نہیں کیوں افسران انتہائی محدود وقت کیلئے ان علاقوں میں جاپاتے ہیں ۔

کھیلوں کی سرگرمیوں کے باقاعدہ  انعقاد کیلئے ضروری ہے کہ یہاں پر ڈائریکٹوریٹ قائم کیا جائے اور افسران و اہلکاروں کی مستقل تعیناتی یقینی بنائی جائے

کھلاڑیوں کیلئے ویکسین نیشن سہولت کی فراہمی

قیوم سپورٹس کمپلیکس میں کرونا ویکسی نیشن کیلئے محکمہ صحت کے اہلکاروں کی ٹیم جمعے کے روز سپورٹس ڈائریکٹریٹ کا دورہ کریگی

جہاں پر کھلاڑیوں کی کرونا ویکسی نیشن کا عمل شروع کیا جائیگا. سپورٹس ڈائریکٹریٹ خیبر پختونخواہ نے کھلاڑیوں اور ملازمین کیلئے ویکسی نیشن لازمی قرار دیا تھا اور بیس جون تک تمام افراد کو ویکسی نیشن کرنیکی ہدایت کی تھی

تائیکوانڈو کوچ شفیق الرحمان ورلڈ ڈان بن گئے

سپورٹس ڈائریکٹریٹ خیبر پختونخواہ کے کو چ شفیق الرحمان نے کوکی وان کا بین الاقوامی فرسٹ ڈان کا امتحان پاس کرلیا

قیوم سپورٹس کمپلیکس میں تائیکوانڈو کی تربیت دینے والے شفیق الرحمان کا تعلق پشاور سے ہے اور وہ خیبر پختونخواہ میں تائیکوانڈو کے بانی تاج محمد کے شاگردوں میں سے ہیں

جو کہ تائیکوانڈو کے بین الاقوامی تنظیم کے ممبر بھی ہیں۔

تائیکوانڈو کوچ شفیق الرحمان اس وقت پاکستان میں سیکنڈ ڈان جبکہ ورلڈ میں فرسٹ ڈان ہیں جن کا سرٹیفیکیٹ انہیں گذشتہ روز مل گیا ،

جو انہوں نے قیوم سپوٹس کمپلیکس پشاور میں ڈائریکٹر جنرل سپورٹس ڈائریکٹر خیبر پختونخواہ اسفندیار خان خٹک کو پیش کیا.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Translate »