Join Our Membership

Advertisement Section
Read Time:2 Minute, 12 Second

آزادی ڈیسک

افغان صدر اشرف غنی نے طالبان کو جنگ ختم کرنے کی صورت میں شراکت اقتدار کی پیشکش کردی ہے

افغان صدر کی جانب سے یہ پیشکش اس وقت سامنے آئی ہے جب امریکی حکومت نے تمام امریکیوں کو جلد از جلد افغانستان چھوڑنے کی ہدایت کی ہے

سوویت یونین کی حمایت یافتہ کابل حکومت کی مجاہدین کے ہاتھوں خاتمے کی 29 ویں برسی کے موقع پر اپنے پیغام میں افغان صدر نے کہا ہمیں ماضی کے تجربات سے سیکھنا ہوگا

انہوں نے کہا افغانستان میں کوئی بھی تشدد اور جنگ کے ذریعے عوام پر اپنی مرضی نہیں تھوپ سکتا اس لئے وقت آگیا ہے کہ طالبان تشدد کا راستہ ترک کرتے ہوئے جمہوری نظام کا حصہ بنتے ہوئے اقتدار کا حصہ بن جائیں


افغانستان سے امریکی فوجیوں کے انخلاء کا عمل باقاعدہ طور پر شروع

افغانستان سے مجوزہ امریکی انخلا پر بھارت پریشان


انہوں نے اپنے پیغام میں کہا سرخ فوج کے خلاف کامیاب جہاد کے بعد افغانستان سیاسی عدم استحکام کا شکار ہوا جس کے نتیجے میں ماسوائے تباہی کے کچھ حاصل نہ ہوسکا

ایک بار پھر افغانستان انہی حالات سے دوچار ہے ،جس طرح ماضی میں عوام کی یکجہتی سے افغان جہاد کامیابی سے ہمکنار ہوا اسی طرح ہم متحد ہو کر پائیدار امن کا حصول ممکن بنا سکتے ہیں

واضح رہے کہ امریکی صدر جوبائیڈن کی جانب سے ستمبر تک افغانستان سے امریکی فوجوں کے مکمل انخلاء کے بعد تشدد اور بدامنی کی نئی لہرا پیدا ہوئی ہے

افغان صدر اشرف غنی فائل فوٹو

دوسری جانب افغانستان کیلئے اعلیٰ امریکی مذاکرات کار زلمے خلیل زاد نے بائیڈن انتظامیہ کی جانب سے انخلاء کے فیصلے کا دفاع کرتے ہوئے کہا

اگر طالبان افغانستان پر بزور طاقت قبضہ جمانے کی کوشش کرتے ہیں تو واشنگٹن اور اس کے اتحادی طالبان پر پابندیاں عائد کردیں گے

زلمے خلیل زاد کا کہنا تھا امریکہ افغان فریقین کے درمیان نتیجہ خیز امن مراحل کی تکمیل کیلئے ہر ممکن کردار ادا کریگا

انہوں نے کہا چالیس سال سے جنگ و بدامنی کے بعد ہم اس نتیجے پر پہنچے ہیں کہ پائیدار امن کا واحد حل مذاکرات ہیں ،طاقت کسی مسئلہ کا حل نہیں

انہوں نے افغان امن میں پاکستان کی اہمیت کا اجاگر کرتے ہوئے کہا ہم نے پاکستانی قیادت پر زور دیا ہے کہ وہ تشدد کے خاتمے کیلئے طالبان پراپنا اثر رسوخ استعمال کرے

جبکہ پاکستانی قیادت بھی طالبان کی جانب سے افغانستان پر بزور طاقت غلبہ پانے کی کوشش کی حامی نہیں ہے

کیوں کہ اگر افغانستان میں حالات ایک بار پھر خانہ جنگی کی جانب جاتے ہیں تو اس سے نہ صرف افغانستان بلکہ پاکستان بھی متاثر ہوگا

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post کراچی کا ڈیلیوری بوائے غربت سے لڑتے ہوئے زندگی ہارگیا
Next post بھارت میں مردہ ماں کو موٹر سائیکل پر لے جانے والے بیٹوں کی ویڈیو نے دل دہلا دیئے
Translate »