آزادی نیوز
خیبرپختونخوا کی سیاحت و ثقافت کی دیگر صوبوں اور ممالک تک رونمائی کیلئے محکمہ سیاحت خیبرپختونخوا کے زیرانتظام خیبرپختونخوا کلچر اینڈ ٹورازم اتھارٹی کی جانب سے اسلام آباد ٹورازم فیسٹیول میں پویلین سجا لیا گیا۔ 5 مارچ سے 7 مارچ تک فاطمہ جناح پارک ایف نائن شالیمار پاک گراؤنڈ میں منعقد ہونیوالے تین روزہ ٹورازم فیسٹیول میں ملک بھر سے تمام صوبوں کی جانب سے نمائندگی کی گئی ہے جہاں نہ صرف سٹالز سجائے گئے ہیں بلکہ ساتھ ہی مختلف ثقافتی سرگرمیوں کا بھی انعقاد کیا جائے گا۔


اسلام آباد میں‌تین روزہ عالمی سیاحتی میلہ شروع

اقوام متحدہ کے سابق مشیر جو اسلام آباد میں‌روٹیاں‌فروخت کرتے ہیں‌



کے پی کے ٹورازم ڈیپارٹمنٹ

خیبرپختونخوا کلچر اینڈ ٹورازم اتھارٹی کی جانب سے خیبرپختونخوا پویلین سجایا گیا ہے جس میں صوبہ کی ثقافت کی رونمائی کیلئے مختلف ثقافتی دستکاری سٹالز،جن میں خواتین کے کپڑے، چترالی پٹی کی بنی اشیاء، پشاوری چپل، ثقافتی موسیقی اور شرکاء کو محظوظ کرنے کیلئے رباب منگے پرفارمنس،سیاحوں کو صوبے کے سیاحتی مقامات بارے معلومات فراہم کیلئے ٹورسٹ انفارمیشن ڈیسک اور ساتھ ہی سیاحوں اور صوبے کی جانب بہترین ٹوررپیکیجز کیلئے پشاور سے خیبرپختونخوا کے ٹورآپریٹرز کاسٹال بھی لگایا گیا ہے۔
فیسٹیول میں صوبے کے روایتی کھابوں کے سٹالز بھی سجائے گئے ہیں جن میں چپلی کباب، قہوہ خانہ، گنے کا رس اور دیگر شامل ہیں۔

تین روزہ فیسٹیول میں سکائے دائیونگ،پاوورگلائیڈنگ، مائیکرولائٹ، پیراگلائیڈنگ، ونگ سویٹرزکی پرفارمنس سمیت گھوڑوں کی پریڈ، وینٹیج کار شو، موٹربائیک روڈ شو، فوڈ فیسٹیول، بچوں کیلئے پلے لینڈبھی توجہ کا مرکز ہوگا۔ فیسٹیول میں موسیقی کی محفل کا بھی انعقاد کیاجائے گا جس میں نامور گلوکار سحرعلی بھگہ،علی عظمت، آئمہ بیگ اور دیگر اپنی پرفارمنس پیش کرینگے۔

Translate »