رعایتی آٹا آزاد کشمیر سمگل کرنے کی کوشش ناکام ، دو ملزمان گرفتار

آزادی نیوز
ایبٹ آباد سے سرکاری آٹے کی آزاد کشمیر سمگلنگ ناکام ,ایڈیشنل اسسٹنٹ کمشنر امین الحسن نے کاروائی کرتے ہوئے آٹا اور ڈرائیورز کو تحویل میں لیا گیا ۔ضلعی انتظامیہ کی جانب سے جاری کردہ تفصیلات کی مطابق تقریبا 176 آٹے کے توڑے دو مختلف گاڑیوں میں لاد کر بکوٹ سے آزاد کشمیر لے جانے کی کوشش کی جا رہی تھی کہ اسسٹنٹ کمشنر امین الحسن نے کارواٸی کرتے ہوۓ دوگاڑیوں اور ڈراٸیوروں کو گرفتار کر لیا ۔جنکے خلاف قانونی کارواٸی کی جاۓ گی ۔
واضح رہے خیبر پختونخواہ میں حکومت کی جانب سے 20 کلو آٹے کا تھیلا رعایتی نرخوں پر 860 روپے مقرر کی گٸی جبکہ مارکیٹ میں آٹے کی قیمت 1400 سو روپے فی بیس کلو ہے
تاہم بعض اطلاعات کے مطابق یہ رعایتی آٹا آزاد کشمیر میں پیکنگ تبدیل کرتے ہوۓ مہنگے داموں فروخت کیا جاتا تھا جس کے خلاف ضلعی انتظامیہ کی جانب سے کارواٸی عمل میں لاٸی گٸی ۔