عبدالغفور حیدری کا کہنا تھاکہ جس حکومت کواپوزیشن تسلیم نہیں کرتی اس حکومت کی آفرکی کوئی حیثیت نہیں، پی ڈی ایم نے جو فیصلہ کیا ہے ہم اس کے پابند ہیں اور پی ڈی ایم مکمل طور پر متحد اور متفق ہے۔جمعیت علمائے اسلام کے مرکزی سیکرٹری جنرل مولانا عبدالغفور حیدری نے حکومت کی جانب سے ڈپٹی چیئرمین سینیٹ کے عہدے کی پیشکش کی تردید کردی۔
مولا عبدالغفور حیدری کا کہنا تھاکہ چیئرمین سینٹ کے پاس تمام پارٹیوں کے ممبران بیٹھے تھے، میٹنگ کے دوران کوئی گفتگو نہیں ہوئی اور میٹنگ کے بعد پرویز خٹک نے گفتگو میڈیا کے سامنے کی۔


یوسف رضاگیلانی چیئرمین سینیٹ کےلئے اپوزیشن کے متفقہ امیدوارنامزد

حکومت کو پہلا بڑا دھچکا ،سینیٹ انتخابات میں‌یوسف رضاگیلانی فاتح


جے یو آئی رہنما کا کہنا تھاکہ حکومتی وزیر اپنی ڈوبتی کشتی بچانے کیلئے تاخیری حربے استعمال کر رہےہیں۔
خیال رہے کہ وزیر دفاع پرویز خٹک نے میڈیا سے گفتگو میں کہا ہے کہ ہم نے مولانا عبدالغفور حیدری کو آفر کی ہے کہ ہمارے ڈپٹی چیئرمین سینیٹ بن جائیں۔
اپوزیشن اتحاد پاکستان ڈیموکریٹک موومنٹ (پی ڈی ایم) نے جمعیت علمائے اسلام کے مرکزی رہنما مولانا عبدالغفور حیدری کو ڈپٹی چیئرمین سینیٹ کے عہدے کیلئے نامزد کیا ہے۔

Translate »