مسرت اللہ جان ،پشاور


ڈائریکٹریٹ آف سپورٹس خیبر پختونخواکے تعاون سے پشاور اور چارسدہ کے بیڈمنٹن کھلاڑیوں کے مابین سیریزکاآغازہوگیاہے،پہلے روزکھیلے جانیوالے مقاببلوں میں چارسدہ کے کھلاڑیوں نے شاندار کھیل کا مظاہرہ کرتے ہوئے ایک صفر سے کامیابی حاصل کرلی ۔

ڈائریکٹریٹ آف سپورٹس کے تعاون سے چارسدہ میں منعقدہ سیریز پہلے سنگل میچ میں چارسدہ کے بخت الثاقب نے پشاور کے حشام کو ہرایا۔دوسرے سینگل میچ میں چارسدہ کے سنگین نے پشاور کے محسن کو 21-12,21-12سے شکست دی،

تیسرے میچ میں پشاور کے ریان نے چارسدہ کے حسنین کو 22-20,22-20سے جبکہ چوتھے میچ میں چارسدہ کے محمد نے پشاور کے سہیل کو شکست دی،پانچویںن سنگل میچ میں چارسدہ کے عمیر نے پشاور کے حسیب کو 21-19,21-11سے ہرایا،

مینزڈبلزمیں چارسدہ کے بخت الثاقب اور محمد کی جوڑی نے پشاور کے حشام اور محسن کو ہراکر سیریزمیں ایک صفر سے برتری حاصل کرلی۔اس سیریزکو کوچز ندیم خان اور حیات اللہ نے ارگنائز کیاہے ،جس کا اصل مقصد پشاور اور چارسدہ کے اضلاع میں بیڈمنٹن کھیل کو فروغ دینااور گراس روٹس پر ٹیلنٹ تلاش کرکے سامنے لاناہے


یہ بھی پڑھیں


اس حوالے سے کوچ ندیم خان نے کہاکہ انہیں خوشی ہے کہ نوجوان نسل کھیلوں میں دلچسپی لے رہے ہیں کیونکہ کھیل ایک ایساشعبہ ہے جس سے انسان ذہنی وجسمانی طورپر فٹ رہ سکتے ہیں

انکاکہناتھاکہ وہ قبل ازیں پشاورسپورٹس کمپلیکس میں بحیثیت کوچ خدمات انجام دے رہے تھے لیکن اب انکا تبادلہ عبدالولی خان سپورٹس کمپلیکس چارسدہ کردیاگیاہے،انہوں نے کہاکہ انہیں جہاں بھی ذمہ داری سونپی جائے گی اپنا کام پوری دیانتداری اور ایمانداری کرینگے،جس کا رزلٹ ضرورآئے گا

صوبائی ٹیم کی تشکیل،کھلاڑیوں کے ٹرائلز11اکتوبر ہونگے،رشیدہ غزنوی

پاکستان ہاکی فیڈریشن کے زیر اہتمام سائیڈ نیشنل ویمن ہاکی چمپئن شپ لاہور میں کھیلی جائے گی ،جس میں ملک بھر کی خیبر پختونخواوویمن ٹیم بھی بھر پور تیاریوں کیساتھ حصہ لیں گی،خیبر پختونخوا ہاکی ٹیم کے انتخاب کیلئے خواتین کھلاڑیوں کے ٹرائلز11اکتوبر لالہ ایوب ہاکی سٹیڈیم میں صبح نو بجے منعقد ہونگے۔

اس حوالے سے خواتین ہاکی کی سرپرست اور صوبائی سپورٹس ڈائریکٹریٹ کی ڈائریکٹریس رشیدہ غزنوی کا کہناہے کہ اللہ کے فضل ہماراخطہ ٹیلنٹ کے حوالے سے کافی زرخیزہے یہاں پر دوسرے کھیلوں کی طرح ہاکی میں باصلاحیت خواتین کھلاڑی موجودہیں جنہیں سامنے لانے کیلئے کوشش کررہے ہیں اور انشا اللہ اسکے مثبت نتائج نکلیں گے

انہوں نے کہاکہ پاکستان ہاکی فیڈریشن اور صوبائی ہاکی ایسوسی ایشن کی نگرانی خیبر پختونخوامیں خواتین ہاکی کو فروغ دیں گے،رشیدہ غزنوی کا کہناہے کہ ہاکی فیڈریشن کے زیر اہتمام لاہور میں منعقدہ سائیڈنیشنل وویمن ہاکی چمپئن شپ کیلئے باصلاحیت کھلاڑیوں پرمشتمل ٹیم تشکیل دینگے،

جسکے لئے گیارہ اکتوبر کو صبح نوبجے لالہ ایوب ہاکی سٹیڈیم پشاور میں ٹرائلزلئے جائینگے ۔ٹرائلزسابق انٹر نیشنل ہاکی کھلاڑی یاسر اسلام اور ضیا الرحمن بنوری لیںگے۔انہوں نے صوبے بھر کی خواتین کھلاڑیوں کو ٹرائلزمیں بروقت شرکت کرنے اورساتھ اپنی دو عددتصاویر ،ڈومیسائل اور قومی شناختی کارڈ یافارم ب ضرورساتھ لیکر آنے کی ہدایت کردی ہے۔

کے پی ہاکی لیگ ‘ کوہاٹ کی ٹیم نے دو صفر سے مقابلہ جیت لیا

کے پی نیشنل ہاکی لیگ کے سلسلے میں چارسدہ کے آسٹرو ٹرف پر کوہاٹ اور مردان کی ٹیموں کے مابین دوسرا میچ کھیلا گیا کوہاٹ کی ٹیم ابتداء ہی سے گیم پر حاوی رہی ‘ کھیل کے پہلے کوارٹر میں کوہاٹ کی ٹیم نے پہلا گول کیا جبکہ دوسرے کوارٹر میں دوسرا گول کیا جوکھیل کے اختتام تک جاری رہا

مردان کی ٹیم کی کھلاڑیوں نے گول کرنے کے متعدد مواقع ضائع کردئیے کوہاٹ کی جانب سے پہلا گول کھیل کے چوتھے منٹ میں جبکہ دوسرا گول بیسویں منٹ میں کیا گیا جو کھیل کے اختتام تک رہا اور یوں مردان کی ٹیم نے یہ مقابلہ دو صفر سے جیت لیامیچ کے دوران مردان ٹیم کے سپورٹرز اپنے ٹیم کی کھلاڑیوں کو گرائونڈ سے چیخیں مار کر مشورے دیتے رہے

Translate »