آزادی نیوز


پنجاب ٹیکسٹ بک بورڈ نے عالمی شہرت یافتہ پاکستانی خاتون ملالہ یوسفزئی کی تصویر جنگ ستمبر کے مجاہد میجر عزیز بھٹی شہید کے ساتھ چھاپنے پر آکسفورڈ یونیورسٹی پریس کی ساتویں جماعت کی مطالعہ پاکستان کی نصابی کتابیں ضبط کرلیں

ساتویں جماعت کیلئے تیار ہونے والی مطالعہ پاکستان کی کتاب کے صفحہ 33 پر پاکستان کی اہم شخصیات کی تصاویر شائع کی گئی ہیں ،جن میں قائد اعظم محمد علی جناح ،شاعرمشرق علامہ اقبال ،سرسید احمد خان ،لیاقت علی خان ،عبدالستار ایدھی ،بیگم رعنا لیاقت علی خان ،میجر عزیز بھٹی شہید اور ملالہ یوسفزئی شامل ہیں

پنجاب کریکولم اینڈ ٹیکسٹ بک بورڈ کے ذرائع کے مطابق کتاب میں ملالہ یوسفزئی کی تصویر میجر عزیز بھٹی شہید کیساتھ چھاپنے پر شہر بھر کے کتب خانوں پر موجود کاپیاں ضبط کرلی گئی ہیں


یہ بھی پڑھیں

  1. اشاروں‌ کی زبان سے سکواش سیکھنےوالی کم عمر ثناء بہادرکے بارے میں‌ جانئے
  2. پہاڑوں کی ننھی شہزادی 12 سالہ کوہ پیما سیلینہ خواجہ نیا عالمی ریکارڈ بنانے کی راہ پر گامزن
  3. لیاری کی نئی شناخت کےلئے کوشاں‌ مہرگھر کا منصوبہ کیا ہے ؟
  4. شام کی داستان خون آشام اور حوصلوں‌کاقصہ

جبکہ پیر کے روز بورڈ کی ایک ٹیم نے آکسفورڈ یونیورسٹی پریس کے گلبرگ میں واقع دفتر پر چھاپہ مار کر وہاں موجود تمام کتابیں ضبط کرلیں ،جبکہ پرنٹنگ پریس کے حوالے کئے جانے والے لیٹر میں کہا گیا ہے کہ بغیر اجازت(این او سی )اشاعت پر کتابیں ضبط کی جارہی ہیں

گذشتہ سال ایک سو کتابوں پر پابندی لگی

پریس کے ایک اہلکار کے مطابق کتاب کی کاپی 2019 میں جائزہ کیلئے بورڈ کو بھیجی گئی تھی ،لیکن کتاب میں موجود مواد پر اعتراض لگاتے ہوئے اجازت نامہ جاری نہیں کیا ،جس کے بعد پریس نے بغیر اجازت کتاب شائع کردی

واضح رہے کہ گذشتہ سال پنجاب ٹیکسٹ بک بورڈ نے نظریہ پاکستان اور غیر مناسب مواد کی اشاعت پر 100 کے قریب کتابوں پر پابندی لگادی تھی ،

جن کے بارے میں بورڈ کی جانب سے وضاحت کی گئی کہ ان کتابوں میں کئی سنگین غلطیاں موجود تھیں ،حتیٰ کہ بعض کتابوں میں بانی پاکستان محمد علی جناح اور علامہ اقبال کی تاریخ پیدائش بھی غلط درج تھی ،بعض کتابوں میں پاکستان کا غلط نقشہ شائع کیا گیا جبکہ کچھ کتابوں میں پنجاب کے جغرافیہ کے بارے میں غلط معلومات درج کی گئ تھیں

Translate »