مسرت اللہ جان ،پشاور


بین الصوبائی اتھلیٹکس مقابلوں میں زائد العمر کھلاڑیوں کے کھیلنے کے انکشاف کے بعد صوبائی سپورٹس ڈائریکٹریٹ نے تمام کھلاڑیوں کے ہڈیوں کے ٹیسٹ سمیت میڈیکل ٹیسٹ کا فیصلہ کیا ہے اور اس بارے میں تمام سپورٹس ڈائریکٹوریٹ کو ہدایات بھی جاری کی گئی ہیں کہ وہ ان کھلاڑیوں کی جنہوں نے پشاور میں منعقدہ تین روزہ اتھلیٹکس مقابلوں میں حصہ لیا تھا ان کی میڈیکل اور بون ٹیسٹ کروائیں.

صوبائی سپورٹس ڈائریکٹریٹ نے اس معاملے میں پنجاب ‘ سندھ اور بلوچستان کی سپورٹس ڈائریکٹریٹ کو مراسلہ ارسال کردیا ہے اور اس بارے میں رپورٹ ارسال کرنے کی ہدایت کی ہیں تاکہ اس پر ایکشن لیا جاسکے.

واضح رہے کہ ستائیس ستمبر سے تین روز تک پشاور میں کھیلے جانیوالے ان مقابلوں میں پنجاب اور کے پی کی ٹیموں نے بھی زائد العمر خواتین کھلاڑیوں کو مقابلوں میں شرکت کروائی تھی تاہم اس کے انکشاف ہونے کے بعد سپورٹس ڈائریکٹریٹ نے میڈیکل اور بون ٹیسٹ کروانے اور متعلقہ کھلاڑیوں سے میڈل واپس لینے کا اعلان کیا ہے.

کے پی سپورٹس ڈائریکٹریٹ زائد العمر کھلاڑیوں کا ٹیسٹ کب لے گی ؟ کوئی تاریخ مقرر نہیں

پشاور میں کھیلے جانیوالے تین روزہ کھیلوں کے مقابلے تو اختتام پذیر ہوگئے مگر اس میں کھیلنے والے کھلاڑیوں کی ٹیسٹنگ کب ہوسکے گی اس بارے میں ابھی تک کسی بھی صوبے کے سپورٹس ڈائریکٹریٹ نے جواب نہیں دیا کہ کس تاریخ تک کھلاڑیوں کے ٹیسٹ ہوسکیں گے

اور اس بارے میں سپورٹس ڈائریکٹریٹ خیبر پختونخواہ کو آگاہ کیا جاسکے گا خود سپورٹس ڈائریکٹریٹ نے مراسلہ تو تمام صوبو ں کو ارسال کردیا ہے مگر ابھی تک سپورٹس ڈائریکٹریٹ خیبر پختونخواہ نے اپنے کھلاڑیوں کی بون اورمیڈیکل ٹیسٹ کیلئے کھلاڑیوں کو کوئی تاریخ نہیں دی نہ ہی بتایا گیا کہ یہ رپورٹ کب تک مکمل کرکے ظاہر کی جائیگی.

صرف کھلاڑیوں کے زائد العمر آنے کی اطلاع پر کمیٹی قائم کردی اور اس بارے میں تمام سپورٹس ڈائریکٹریٹ کو خطوط ارسال کردئیے گئے.

 

کے پی نیشنل ہاکی لیگ ‘ وزیراعلی خیبر پختونخواہ افتتاحی تقریب کے مہمان خصوصی ہونگے

ڈائریکٹر جنرل سپورٹس خیبر پختونخواہ اسفندیار خٹک نے کہا ہے کہ چار ستمبر سے شروع ہونیوالے کے پی ہاکی نیشنل لیگ کے افتتاحی تقریب کے مہمان خصوصی وزیراعلی خیبر پختونخواہ ہونگے ان خیالات کا اظہار انہوں نے کے پی نیشنل ہاکی لیگ کے کھلاڑیوں کی نیلامی کے موقع کے بعد صحافیوں سے بات چیت کرتے ہوئے کیا


یہ بھی پڑھیں


انہوں نے کہا کہ اس لیگ کا بہت اچھا رسپانس آرہا ہے اور اسے مستقبل میں بھی جاری رکھیں گے انہوں نے کہا کہ وزیراعلی خیبر پختونخواہ خود ہاکی لیگ میں دلچسپی لے رہے ہیں اور انہوں نے دیگر مقابلوں بشمول اتھلیٹکس ‘ سکواش میں نمایاں پوزیشن لینے پر خیبر پختونخواہ کے سپورٹس ڈائریکٹریٹ کی خدمات کو سراہا ہے

انہوں نے کہاکہ وزیراعلی خیبر پختونخواہ نے مختلف کھیلوں کیلئے انٹر سکولز مقابلوں کے انعقاد پر زور دیا ہے اور کے پی ہاکی لیگ کے اختتام پر ہم انٹر سکولز ہاکی لیگ کے مقابلوں کیلئے کوششیں کرینگے اور سپورٹس ڈائریکٹریٹ اس حوالے سے اقدامات اٹھائے گی انہوں نے کہا کہ ہماری کوشش ہے کہ قومی کھیل ہاکی کو پروموٹ کریں جو کہ ہم سب پر قرض بھی ہے…

ہاکی ٹیموں کی بڈنگ کا عمل خوش اسلوبی سے مکمل ہوا ،سید ظاہر شاہ

خیبر پختونخواہ ہاکی ایسوسی ایشن کے صدر سید ظاہر شاہ نے سپورٹس ڈائریکٹریٹ خیبر پختونخواہ میں قومی کھلاڑیوں کی اوپن بڈنگ کے عمل کو بہترین قرار دیا ہے اور کہا کہ اوپن بڈنگ بہترین تھی اور جو ٹیم مالک سمجھ رہے تھے کہ ان کیلئے کونسے کھلاڑی کی خدمات حاصل کی جائیں انہوں نے اسکی خدمات خرید لی جس ٹیم کو کھلاڑی کی ضرورت تھی اس نے اسے خریدلیا.

پشاور سپورٹس کمپلیکس کے ایرینا ہال میں اوپن بڈنگ کے بعد صحافیوں سے بات چیت کرتے ہوئے سید ظاہر شاہ کا کہنا تھا کہ ایک کھلاڑی کی خدمات کی قیمت دو لاکھ روپے میں لی گئی جبکہ دوسرے کھلاڑی کی خدمات کی قیمت نیلامی میں چار لاکھ میں لگ گئی جو کہ سب سے زیادہ بھی ہے ان کے مطابق دیگرکھلاڑیوں کی دیگر قیمتیں بھی لگائی گئی

انہوں نے کہا کہ سب کھلاڑی یکساں ہیں اور اس میں انیس بیس کا فرق ہوتا ہے انہوں نے کہا کہ جو بھی ٹیم سیٹ ہوگئی وہی ٹیم جیتے گی انہوں نے کہاکہ ہم نے کے پی ہاکی لیگ کیلئے صوبے کے مختلف اضلاع سے کھلاڑیوں کا چنائو کیا آج قومی کھلاڑیوں کی اوپن بڈنگ ہوگئی اب ان کھلاڑیوں میں انیس بیس کا ہی فرق ہوگاایسا کبھی نہیں ہوگا کہ میچ ون سائیڈ ہونگے

ملاکنڈ ٹیم کی جیت کیلئے پرامید ہیں ،وجیہہ خان

ملاکنڈ کی ٹیم کیلئے سینئر کھلاڑی کی خدمات چار لاکھ روپے میں لی گئی ہیں جو پشاور سپورٹس کمپلیکس کے ایرینا ہال میں ہونیوالے اوپن بڈنگ کے مقابلوں میں سب سے بڑی بڈنگ تھی . ملاکنڈ ٹیم کے مالک وجیہہ خان نے اوپن بڈنگ میں سب سے بڑی بولی دیکر اپنی ٹیم کیلئے وقار کی خدمات حاصل کرلی-

بولی کے بعد صحافیوں سے بات چیت کرتے ہوئے کہا کہ ہر فرنچائز کے مالک کی کوشش ہے کہ اپنی ٹیم کیلئے بہترین کھلاڑیوں کا انتخاب کرے اور اسی بنیاد پر میں نے بھی اپنی ٹیم کیلئے سب سے زیادہ بولی دیکر اپنے لئے کھلاڑی کا انتخاب کیا ان کے مطابق میری کوشش ہے کہ ایسے کھلاڑی آئیں جن سے ٹیم کی کمبی نیشن بہتر ہو اور ٹیم سیٹ ہو تاکہ فائنل ملاکنڈ کی ٹیم کا مقدر بنے وجیہہ خان کے مطابق ملاکنڈ کی ٹیم کیلئے وقار میرے ٹارگٹ پر تھا اس لئے میں نے سب سے زیادہ بولی دی اور مجھے امید ہے کہ انشاء اللہ ملاکنڈ کی ٹیم ہی کے پی نیشنل ہاکی لیگ کو جیتے گی.

ڈائریکٹر سپورٹس ضم اضلاع کی ضلع خیبر کے مارشل آرٹ کھلاڑی اللہ گل آفریدی سے ملاقات

ڈائریکٹر سپورٹس ضم اضلاع پیر عبداللہ نے انٹرنیشنل ایشین مکسڈ مارشل آرٹ چیمپئن شپ میں میڈل حاصل کرنے والے اللہ گل آفریدی اور ضلع خیبر کے ڈی ایس او کو اعزازی شیلڈ دی اور امید ظاہر کی کہ وہ اس طرح ضم ضلع خیبر میں کھیلوں کی مثبت سرگرمیوں کے فروغ کیلئے کام کرینگے اور ضم اضلاع کے کھلاڑیوں کو ملکی اور بین الاقوامی سطح کے مقابلوں کیلئے تیار کرینگے

ان خیالات کا اظہار انہوں نے اپنے دفتر میں انٹرنیشنل ایشین چیمپئن شپ میں حصہ لینے والے اللہ گل آفریدی سے ملاقات میں کیا اس موقع پر ڈی ایس او خیبر بھی موجود تھے.اللہ گل آفریدی نے ڈائریکٹر سپورٹس ضم اضلاع کو بتایا کہ کرغیزستان میں ہونے والے مقابلے میں حصہ لینا اور قومی ٹیم میں شمولیت میرا ایک خواب تھا جو پورا ہوا اور اب ورلڈ کپ کیلئے ہمارا انتخاب بھی ہوا ہے.

جس پر ڈائریکٹر سپورٹس ضم اضلاع نے خوشی کا اظہار کیا کرغیزستان میں ہونے والی مکسڈ مارشل آرٹس چیمپئن شپ میں پاکستانی کھلاڑیوں نے پہلی بار شرکت کی اور شاندار فائٹ کا مظاہرہ کرتے ہوئے اللہ گل نے برونز میڈل حاصل کرلیا.

یہ پہلا موقع تھاکہ پاکستانی کھلاڑیوں نے ایشین مکسڈ مارشل آرٹس چیمپئن شپ میں فنڈز کی کمی ہونے کے باوجود ایونٹ میں حصہ لیا اور شاندارکاردگی کا مظاہرہ کرتے ہوئے پاکستان کے لئے ایک گولڈ، ایک سلور اور ایک برونز میڈل حاصل کیا

اورہمارانتخاب بھی اس ایونٹ کی بنیاد پرورلڈکپ کے لیے ہواہے ڈائریکٹر سپورٹس ضلم اضلاع پیر عبداللہ نے ضلع خیبر سے تعلق رکھنے والے اللہ آفریدی کو یقین دلایا کہ کہ ڈائریکٹریٹ آف سپورٹس قبائلی ضلع ضم ہمیشہ سے کھلاڑیوں کی سرپرستی کرتاچلا آرہاہے اور یہ سلسلہ جاری رہے گا.

Translate »