سلطان محمود ،مانسہرہ


ضلع تورغر کے علاقے جھٹکا میں آسمانی بجلی گرنے اور سیلابی ریلے کے نتیجے میں 12 افراد جاں بحق ، دو زخمی جبکہ متعدد لاپتہ ہیں ۔چار میں سے دومکانات مکمل طور پر تباہ ہوئے جبکہ دو مکانوں کو جزوی طور پر نقصان پہنچا ہے ۔موقع پر امدادی کاروائیاں جاری ہیں ۔اس حوالے سے ڈی پی او آفس تورغر کے ترجمان وزیر خان  نے بتایا کہ یہ واقعہ گذشتہ رات گئے پیش آیا واقعہ کی اطلاع ملنے کے بعد پولیس حکام اور مقامی لوگ امدادی کاروائیوں میں مصروف ہیں

متاثرہ مقام ضلعی ہیڈکوارٹر جدباء سے تقریباً تین سے چار گھنٹے کی جیپ اور پیدل مسافت پر واقع ہے ،جبکہ اس مقام پر صرف کچی سڑک کے ذریعے ہی رسائی ممکن ہے جوحالیہ بارش کے نتیجے میں متعدد مقامات سے متاثر ہونے کی وجہ سے علاقے سے زخمیوں کو نکالنے میں دشواری کاسامنا ہے

متاثرہ مقام ضلعی ہیڈکوارٹر جدباء سے تقریبا چار گھنٹۓ کی مسافت پر واقع ہے ،علاقے کو ملانے والی واحد سڑک بھی متعدد مقامات پر بند ہوچکی ہے جبکہ صحت کی بنیادی سہولتیں بھی موجود نہیں

موصولہ تفصیلات کے مطابق حادثہ شاتل پولیس چوکی کی حدود میں رات گئے پیش آیا ،لیکن بارش اور لینڈ سلائیڈنگ کی وجہ سے بروقت امدادی کاروائی میں مقامی انتظامیہ کو دشواری کا سامنا رہا ،البتہ علی الصبح سے متاثرہ مکانات کے ملبہ سے جاں بحق اور زخمی ہونے والوں کو نکالا جارہا ہے

جبکہ حادثہ میں لاپتہ ہونے والوں کو بھی تلاش کیا جارہا ہے ،واضح رہے کہ ضلع تورغر میں جوکہ زیادہ ترپہاڑی علاقوں پر مشتمل ہے اور جہاں آئے روز حادثات معمول کا حصہ ہیں ابھی 1122 کا آغاز نہیں کیا جاسکا ۔جبکہ ضلع تورغر میں صحت کی سہولتوں کی حالت بھی انتہائی ناگفتہ بہ ہے ۔


یہ بھی پڑھیں 


دوسری جانب متاثرہ مقام پر امدادی کاروائیوں شروع ہیں ۔موقع پر موجود مقامی پولیس اہلکار کے مطابق اب تک 10 افراد کی لاشیں ملبے سے نکالی جاچکی ہیں اور دو کی تلاش جاری ہے جبکہ دو زخمیوں کو بھی ملبہ سے نکالا جا چکا ہے

جبکہ دوسرا مکان سید نباز ولد محمد دستین 3 کمروں پر مشتمل مکان تباہ ہوا ہے جن میں دو افراد کی اموات ہوئی ہے بخت روزہ بی بی زوجہ سید نیاز اور 4 سالہ بچے حسین عمرکی لاش کی تلاش جاری ہے

حادثہ میں چارمکانات کو نقصان پہنچا

۔انہوں نے بتایا کہ یہ واقعہ کنڑاں جھٹکا بسی خیل میں دو بھائیوں کے یکجاء گھر تھے جن میں کل 12افراد رہتے تھے کل 10 افراد کی نعشیں مل چکی ہیں علاوہ ازیں مکان میں دو گائے اور چار بکریاں بھی آسمانی بجلی کی نذر ہو کر نالے میں بہہ گئی ہیں

واقعہ میں درج ذیل افراد جاں بحق اور زخمی ہوئے ہیں ۔شہراز ولدسید عمر ،شیرنواز خان ولد شہراز ،مسماۃ گل لادینہ بی بی ،بخت نواز خان ،مسماۃ الف سید زوجہ گل ملوک ،مسماۃ آمینہ بی بی ،بخت نواز خان ،مسماۃ بخت راز ،مسماۃ عائشہ بی بی ،مسماۃ روبینہ بی بی ،مسماۃ نورقیام شامل ہیں ،جبکہ انوردید ولد شیراز زخمی ہیں

ایبٹ آباد میں لینڈ سلائیڈنگ کی زد میں آکرخاتون اور بچی جاں بحق

ضلع ایبٹ آباد کے علاقے کاکول کے گائوں پائیجو میں گزشتہ رات کو ہونے والی شدید بارش کے نتیجے میں لینڈسلائیڈنگ کی زد میں آکر 6 افراد دب گئے جن میں چار افراد کو بچا لیا گیا جبکہ خاتون اور کمسن بچی ملبہ تلے دب کر دم توڑ گئی

واقعہ کی اطلاع ملنے پر ریسکیو اہلکار موقع پر پہنچ گئے اور امدادی کاروائیوں کا آغاز کیا ۔جبکہ واقعہ میں زخمی ہونے والوں کو ایوب میڈیکل کمپلیکس منتقل کردیا گیا ۔

Translate »